MENÜ ☰
Çocuk ve Genç » Manşet, Şiir, Yazarlar » Qorqma, babam, bar Yaradan, yar – Yaradan! / Emine Usein
Emine Usein
Qorqma, babam, bar Yaradan, yar – Yaradan! / Emine Usein

Kirim Zaman felâketlerden qurban çoçuklarnıñ hatırasına*
Avuçımda bütün dünya, ğaflet dünya,
Qopmay fiğan, qopmay boran – sessiz dünya,
Yas qıynamay süküt turğan, yüzsüz dünya,
Qorqma, babam, bar Yaradan, yar – Yaradan!

Sürgün oldım Vatanımdan, bu dünyadan,
Dünya içün, imdat bekleyim yalıda,
Babam ağlay, haberi yoq bu alımdan,
Qorqma, babam, bar Yaradan, yar – Yaradan!

Közlerimden közyaş degil, deñiz aqa,
Aq dalğalar ep urula dudağıma,
Dünya seyir etip, baqa ayağıma,
Qorqma, babam, bar Yaradan, yar – Yaradan!

Kin qusqannıñ kölgesine meni ata,
Caillerniñ tebessümge sarıp, yuta,
Günâhlarnı yapqan sayın dünya bata,
Qorqma, babam, bar Yaradan, yar – Yaradan!

Bala ağlay, er kök ağlay, yürek ağlay,
Mazlumlarnıñ feryatları qalpke sığmay,
Ümütlerni, soñ nefeste, Haqqa bağlay,
Qorqma, babam, bar Yaradan, yar – Yaradan!

Bu yalıda tenim degil, dünya cansız,
Ölü kibi yarasız oldı ve qansız,
Ğaflet dünya, tövbe eyle, qalma tañsız,
Qorqma, babam, bar Yaradan, yar – Yaradan!

Essiz olma, cansız qalma, dünya, uyan!
Boranlarnı mende sınap, Haqqa tayan,
Horluqlarğa men dayandım, sen de dayan!
Qorqma, babam, bar Yaradan, yar – Yaradan!

📆 17 Mayıs 2021 Pazartesi 10:10   ·   💬 0 yorum   ·  
Folklor Akademi Dergisi

YAZARLAR

Ali HAKKOYMAZ
11 Haziran 2021 Cuma
Tahir KAHHAR
19 Mayıs 2021 Çarşamba
Mehmet Akpınar
14 Mart 2021 Pazar
Emine Usein
10 Haziran 2021 Perşembe

SÖYLEŞİ

ANKET

Sitemizi nasıl buldunuz?

Sonuçları görüntüle

Yükleniyor ... Yükleniyor ...