Ötmegi sıcaçıq yüregi kibi,
Deñizde vicdanday bir gemi kibi,
İşte onsız keçmez bahtlı künlerim,
Men öksüz degilim, yanımda babam.

Alımnı sorağan, elimden tutqan,
Yaramnı sarğan o – ilâcım, devam.
Derdime dermandır azizim babam,
Men öksüz degilim, yanımda babam.

Göñlüme aqqanday şefqat irmağı,
Sızlatır içimni nefesniñ ahı,
Başımnıñ tacıdır, arqamnıñ dağı,
Men öksüz degilim, yanımda babam.

Babamnıñ başında saçı ağarğan,
Ah, babam, sensiz men iç öksüz qalmam,
Alğan nefesimde, qanımda babam,
Men öksüz degilim, yanımda babam.