Ah, Menim Bir Zerreçigim!
Sıcaq yüregim yanında,
Bir zerresiñ, aziz balam,
Seniñ nefesiñ qanımda,
Qorçalasın seni allam.

Sevem seni, balaçığım,
Ah, menim bir zerreçigim!
Sevem seni, oğlançığım,
Allah bergen yüreçigim.

Dünyağa sen de hoş keldiñ!
Sevinçim menim ve qaydım,
Merhabanen etraf küldi,
Künlerim ümütnen aydın.

Sevem seni, balaçığım,
Ah, menim bir zerreçigim!
Sevem seni, oğlançığım,
Allah bergen yüreçigim.

Alsızlansañ, men yuqlamam,
Gece-kündüz raatsızlanam
Seni quçağıma alam,
Ah, canım, dep tınçlanam.

Sevem seni, balaçığım,
Ah, menim bir zerreçigim!
Sevem seni, oğlançığım,
Allah bergen yüreçigim.